ܛܐ ܒܪܢܫܐ

  • -

ܛܐ ܒܪܢܫܐ

ܬܳܐ ܒܰܪܢܳܫܳܐ ܢܰܪܡܶܐ ܚܝܳܪܳܐ ܥܰܠ ܬܰܘܕܺܝܬܳܐ ܘܢܶܚܙܶܐܐܰܝܟܰܢ ܫܰܚܠܦܘܼܗܿ ܒܢܝܢܫܐ̈ ܡܢ ܐܘܪܚܳܗܿ ܬܪܝܨܬܳܐ ܗܳܢܰܘ ܕܝܢ ܐܘܪܚܐ ܕܚܘܒܐ ܠܐܘܼܪܰܚ ܣܶܢܐܬ݂ܳܐ ܡܢ ܐܘܪܚܳܐ ܕܒܘܼܝܳܐܳܐ ܠܐܘܼܪܰܚ ܚܰܫܳܐ ܡܢ ܐܘܪܚܐ ܕܣܰܒܪܳܐ ܠܐܘܼܪܰܚ ܩܶܢܛܳܐ ܡܢ ܐܘܪܚܳܐ ܕܰܙܢܰܝܐ̈ ܫܰܦܝܼܪ̈ܐ ܠܐܘܪܰܚ ܣܰܢܝܳܬ̈ܐ ܡܢ ܐܘܪܚܐ ܕܰܡܥܰܕܪܳܢܘܼܬ݂ܐ ܠܐܘܪܰܚ ܫܘܼܢܳܩܳܐ ܡܢ ܥܒܳܕ̈ܐ ܛܒܼܶܐ̈ ܠܣܘܼܥܪ̈ܳܢܶܐ ܒܝܼܫܶܐ̈ ܘܗܟܢܐ ܗܘܰܘ ܥܒܳܕ̈ܐ ܫܝ̈ܛܶܐ ܠܰܪܓܝܼܓ݂ܳܬ̈ܳܐ ܣܶܢܝܳܬ̈ܐ ܕܚܘܼܒ ܡܳܡܘܼܢܳܐ؛

ܐܝܢ ܗܳܟ݂ܝܠ ܣܛܰܘ ܡܢ ܐܘܪܚܐ ܕܕܘܒܳܪ̈ܶܐ ܦܐܰܝܳܐ̈ ܠܡܘܢ ܗܟ݂ܰܢܐ ܗܳܠܶܝܢ ܒܝܫܳܬ̈ܳܐ ܡܶܣܬܰܥܪ̈ܳܢ ܒܫܶܡ ܬܰܘܕܝܬ݂ܳܐ؟

ܡܢܐ ܓܕܰܫ؟ ܡܢܐ ܗܝ ܗܳܕܶܐ ܝܺܕܰܥܬ݂ܳܐ؟

ܡܢܐ ܗܘ ܝܘܠܦܳܢܳܐ ܗܳܢܳܐ؟

ܐܪܐ ܐܝܬ݂ ܦܰܘܕ̈ܐ ܕܬܰܘܕܝܬ݂ܳܐ ܒܝܳܬ݂ܳܗܿ؟

ܐܰܘ ܡܫܰܐܠܰܝ̈ ܬܘܕܝܬܐ ܣܳܥܪܝܢ ܗܳܠܶܝܢ ܥܒܳܕ̈ܐ ܘܣܘܥܪ̈ܢܶܐ ܡܛܠ ܝܘܬ݂ܪܳܢܗܘܿܢ ܕܢܶܡܠܘܢ ܪܓ݂ܝܓ݂ܳܬ݂̈ܗܘܢ ܘܢܰܣܒܥܘܢ ܝܰܨܪܗܘܢ ܣܳܝܡܺܝܢ ܩܶܛܪ̈ܐ ܘܩܰܘܕ̈ܐ ܒܐܺܝܕ̈ܝ ܒܢܰܝ̈ ܐ̄ܢܳܫܳܐ̈ ܕܣܳܒ݂ܠܝܢ ܛܝܡܝ̈ ܟܺܐܦܳܢܳܝܘܼܬ݂ ܠܒܰܝܗܘ̈ܢ ܘܥܡܛܳܢܘܼܬ݂ ܪܶܢܝܰܝܗܘ̈ܢ ܠܡܘܢ ܠܐ ܡܰܠܦܝܢ ܕܣܳܟܳܐ ܕܬ݂ܰܘܕܝܬ݂ܳܐ ܚܘܒܰ݁ܐ ܗܘ؟

ܟܰ݁ܕܘ ܠܟ݂ܘܢ ܡܫܐܠܝ̈ ܬܘܕܝܬܐ ܝܘܠܦܢܐ ܕܠܐ ܡܰܘܬ݁ܰܪ ܝܘܠܦܳܢܳܐ ܕܠܐ ܒܳܢܶܐ ܐܶܠܐ ܣܳܬܰ݁ܪ ܝܘܠܦܢܐܫܰܪܝܪܳܐ ܐܝܬ݂ܰܘܗ̄ܝ̄ (ܐܠܳܗܳܐ ܚܘܼܒ݁ܰܐ ܗܘ ܐܶܢ ܐ̄ܢܳܫ ܠܳܐ ܢܰܚܶܒ ܠܰܐܚܘܼܗ̄ܝ̄ ܕܚܳܙܶܐ ܠܶܗ ܐܰܝܟܰܢܳܐ ܢܰܚܶܒ ܠܐܠܳܗܐ ܕܠܐ ܚܳܙܶܐ ܠܶܗ)؟

ܡܳܕܝܢ ܘܳܠܶܐ ܕܟܠܗܘܢ ܐܒܗܬ̈ܐ ܘܪܹܫܳܢܶܐ̈ ܘܰܡܫܰܐ̈ܠܐ ܕܬ݂ܰܘܕܝܬ݂ܳܐ ܐܰܝܕ݁ܐ ܕܗܝ ܘܐܝܢܐ ܐܢܘܢ ܕܢܫܒܩܘܢ ܝܘܠܦܢܐ ܕܠܐ ܡܰܘܬܰܪ ܘܢܰܠܦܘܢ ܘܰܢܣܰܒܪܘܢ ܕܬ݂ܰܘܕܝܬ݂ܐ ܬ݁ܪܝܨܬ݁ܳܐ ܘܫܪܝܪܬ݁ܳܐ ܕܐܝܼܬ݂ܹܝܗܿ ܚܘܒ݁ܳܐ ܘܚܘܒܳ݁ܐ ܒܰܠܚܘܕ݂. ܘܟܰܕܘܼ ܠܰܢ ܣܶܒܠܳܐ ܘܛܘܼܪܳܦܳܐ ܘܫܘܢܳܩܳܐ ܘܰܪܕ݂ܘܼܦܝܳܐ ܘܣܰܝܦܳܐ ܘܚܰܪܒܳ݁ܐ ܘܡܰܘܬ݁ܳܐ ܒܫܶܡ ܬܰ݁ܘܕܝܬ݂ܳܐ ܘܕ݂ܰܥܘ ܟ݁ܽܠܟ݂ܘܢ ܕܚܘܫܒ݂ܳܢܳܐ ܩܰܫܝܰܐ ܢܳܛܪ ܠܟ݂ܘܿܢ ܩܕܳܡ ܐܠܗܐ ܕܐܰܘܟ݁ܶܡܬܘܿܢ ܨܘܼܪܬܶܗ ܩܕܳܡ ܒܢܰܝ̈ܢܳܫܳܐ̈ ܘܰܩܕܳܡ ܒܪܝܬ݂ܹܗ ܘܰܒ݂ܥܰܝܢܰܝܗ̈ܘܢ ܚܰܒܶܠܬܘܼܢܶܗܿ ܫܒ݂ܘܩܘ̄ ܣܶܕܩܶܐ̈ ܘܚܶܪܝܳܢܶܐ̈ ܘܐܶܢܳܢܳܝܘܼܬ݂ܳܐ ܘܝܳܬ݂ܳܢܳܝܘܼܬ݂ܳܐ ܘܪܶܚܡܰܬ݂ ܟܶܣܦ݁ܳܐ ܕܠܳܐ ܡܩܰܘܶܝܢ ܘܰܕ݂ܠܳܐ ܝܘܼܬ݂ܪܳܢ ܘܬ݂ܰܪܶܨܘ̄ ܦܰ݁ܘܕܰܝܟ݁ܘܢ  ܘܕܰܙܒܢܳܐ ܒܚܘܒܐ ܘܪܶܚܡܬ݂ܳܐ ܘܪܰܚܡܶܐ̈ ܘܰܚܢܳܢܳܐ ܕܰܢܝܳܚܳܐ ܚܰܝܶܐ̈ ܕܣܰܒ݂ܪܳܐ ܘܒ݂ܘܼܝܳܐܳܐ ܘܒܶܢܝܳܢܳܐ ܘܟ݂ܘܼܫܰܪܰܐ ܘܐܰܘܝܘܼܬ݂ܳܐ ܘܚܰܕ݂ܘܬ݂ܳܐ

                

ܕܘܟܬܘܪ ܒܫܝܪ ܛܘܪܝܐ 

ܕܡܲ̈ܝܵܐ ܕܚܘܼܒܵܐ

ܠܡܽܘܢ ܗܳܟܰܢܳܐ ܡܶܬ݂ܗܰܦܟ݂ܺܝܬܽܘܢ ܥܰܡ ܡܫܺܝܚܳܝܹܶܐ
ܥܰܠ ܕܡܰܚܒܺܝܢܰܢ ܠܗܳܢܳܐ ܐܰܬ݂ܪܳܐ ܫܰܪܺܝܪܳܐܺܝܬ݂

ܐܰܪܰܐ ܗܳܢܳܐ ܦܽܘܪܥܳܢ ܚܽܘܒ݁ܳܐ ܠܕܺܝܠܰܢ ܡܳܬ݂ܶܐ
ܡܳܢܳܐ ܦ݂ܰܕ݁ܢܰܢ ܡܳܢܳܐ ܣܪܰܚܢܰܢ ܡܳܢܳܐ ܚܛܳܝܢܰܢ

ܠܳܐ ܡܰܠܦ݂ܳܢܰܝ̈ܢ ܫܰܪܺܝܪ ܥܰܡܠܗܽܘܢ  ܒܡܰܠܦ݂ܳܢܽܘܬ݂ܳܐ
ܘܠܳܐ ܡܰܚܳܖ̈ܰܝܢ ܬܪܺܝܨܽ ܗ̄ܘ ܥܒ݂ܳܕ݂ܗܽܘܢ ܘܰܒ݂ܢܰܝ̈ܢܳܫܳܐ

ܘܠܳܐ ܐܳܣܳܝܰܝ̈ܢ ܫܳܗܪܺܝܢ ܠܶܠܝܳܐ ܡܫܰܡܫܺܝܢ ܡܰܖ̈ܥܶܐ
ܘܠܳܐ ܐܰܚܺܝܕܺܝܢ ܡܗܰܝܡܢܺܝܢ ܣܰܓܺܝ ܒܫܽܘܡܠܳܝ ܥܰܡܠܗܽܘܢ

ܐܰܝܢܳܐ ܡܶܢܰܢ ܓܢܰܒ݂ ܥܶܕܳܢ ܥܰܡܠܶܗ ܘܐܘ̈ܠܝܳܬ݂ܶܗ
ܘܗܳܐ ܣܳܒ݂ܠܺܝܢܢ ܕ݁ܡܰܝ̈ ܗܳܢ ܚܽܘܒ݁ܳܐ ܡܰܪܺܝܪܳܐܺܝܬ݂

ܡܽܘܢ ܝܽܘܠܦ݂ܳܢܳܐ ܗܳܢܳܐ ܕܩܶܛܠܳܐ ܐܳܦ ܘܰܟ݂ܦܽܘܪܝܳܐ
ܒܫܶܡ ܬ݁ܰܘܕܺܝܬ݂ܳܐ ܕܡܳܐ ܙܳܠܚܺܝܬܽ݁ܘܢ ܕܰܒ݂ܢܰܝ̈ܢܳܫܳܐ

ܠܳܐ ܐܰܠܳܗܳܐ ܒܪܳܐ ܠܰܡ ܐܶܢܽܘܢ ܐܳܬ݂ܳܐ ܕܚܽܘܒ݁ܶܗ
ܘܐܰܢ̄ܬܽܘܢ ܒܰܐܟ݁ܬ݂ܳܐ ܗܳܐ ܡܚܰܒ݂ܠܺܝܬܽܘܢ ܨܽܘܪܬܶܗ ܦ݁ܐܺܝܬ݂ܳܐ

ܒܫܶܡ ܬܰܘܕܺܝܬ݂ܳܐ ܕܰܓ݁ܳܠܳܐܺܝܬ݂ ܠܟ݂ܽܠ ܩܳܛܠܺܝܬܽ݁ܘܢ
ܘܥܰܡܳܐ ܕܡܶܣܟܺܝܢ ܘܰܕܠܳܐ ܚܲܘܒܳ݁ܐ ܗܳܐ ܢܳܟ݂ܣܺܝܬܳ݁ܘܢ

ܐܰܪܰܐ ܗܘܰܝܬܽܘܢ ܕܺܐܒ݂ܶܐ̈ ܣܖ̈ܺܝܚܶܐ ܐܳܟ݂ܠܰܝ ܒ݁ܶܣܪܳܐ
ܥܕܰܡܳܐ ܠܶܐܡܰܬ݂ܝ̄ ܠܳܐ ܣܳܒ݂ܥܺܝܬܽܘܢ ܡܶܢ ܗܳܢ ܝܰܨܪܳܐ

ܐܰܝܟܳܐ ܐܶܢܽܘܢ ܙܶܕܩܰܝ̈ ܐ̄ܢܳܫ̈ܳܐ ܒܗܽܘܢ ܡܣܰܒ݁ܪܺܝܬܽ݁ܘܢ
ܩܶܫܥܳܐ ܣܦ݂ܺܝܩܳܐ ܦܩܳܩܳܐ ܐܺܝܬ݂ܰܘܗܝ ܡܰܡܠܠܳܐ ܕܺܝܠܟ݂ܽܘܢ

ܒܫܶܡ ܚܺܐܪܽܘܬ݂ܳܐ ܥܰܡܳܐ ܕܺܝܠܰܢ ܗܳܐ ܕܳܒ݂ܚܺܝܬ݁ܽܘܢ
ܒܫܶܡ ܚܺܐܪܽܘܬ݂ܳܐ ܒ݂ܢܰܝ̈ܳܐ ܕܐܽܘܡܬ݂ܰܢ ܗܳܐ ܡܒ݂ܰܕ݂ܪܺܝܬ݁ܽܘܢ

ܩܛܶܠܘ̄ ܕܒܲܚܘ̄ ܒܰܕ݂ܰܪܘ ܙܪܶܩܘ ܢܟ݂ܶܣܘ ܢܰܟ݂ܺܝܘ
ܚܽܘܒܰ݁ܢ ܫܰܪܺܝܪ ܚܽܘܒ݁ܰܢ ܥܰܡܺܝܩ ܠܗܳܕ݂ܶܐ ܐܰܪܥܳܐ
ܕ ܒܫܝܪ ܛܘܪܝܐ

ܐܘܼܢ ܥܲܡܲܢ ܛܠܝܼܡܵܐ

ܒܫܝܪ ܛܘܪܝܐ

ܐܵܘ ܒܢܲܝ̈ܢܵܫܵܐ ܐܵܪܵܐ ܫܡܲܥܬܘܿܢ ܒܗܵܢܵܐ ܓܘܼܢܚܵܐ

ܕܥܲܡܲܢ ܡܸܬ݂ܩܛܸܠ ܒܲܕ݂ܡܵܐ ܩܘܼܪܵܐ ܘܲܕ݂ܠܵܐ ܖ̈ܚܡܹܐ

ܘܲܡܕܲܒ݂ܖ̈ܢܹܐ ܕܥܹܕܬܲ݁ܢ ܘܥܲܡܲܢ ܫܓ݂ܝܼܡܝܼܢ ܒܕ݂ܝܼܠܗܘܿܢ

ܐܲܝܟ݁ܵܐ ܐܝܼܬ݂ܲܘܗܝ ܩܵܠܵܐ ܕܝܼܠܗܘܿܢ ܟܲܕ݁ܘܼ ܫܸܬ݁ܩܵܐ

ܐܲܪܝܼܡܘ ܩܵܠܟ݂ܘܿܢ ܘܒ݂ܲܕܸܩܘ ܛܠܘܼܡܝܵܐ ܠܥܵܠܡܵܐ ܟ݁ܠܹܗ

ܕܗܵܐ ܐܝܼܩܵܪܵܐ ܕܟ݂ܠܲܢ ܚܲܒ݂ܠܘܼܗܝ ܒ݁ܝܼ̈ܫܹܐ ܒܣܸܢܐܬ݂ܲܐ

ܒܫܸܡ ܚܹܐܪܘܼܬ݂ܵܐ ܨܘܼܪܲܐ݂ ܡܵܪܝܵܐ ܗܵܐ ܡܸܨܛܲܥܪܵܐ

ܘܐܲܡܪܝܼܟܲܐ ܕܹܝܢ ܡܸܛܿܠ ܝܵܬ݂ܵܗܿ ܡܲܘܒ݁ܕ݂ܵܐ ܠܥܲܡܲܢ

ܘܥܵܠܡܵܐ ܛܲܒܝܼܥ ܒܲܖ̈ܓ݂ܝܼܓ݂ܵܬ݂ܹܗ ܒܫܸܢܬ݂ܵܐ ܣܪܝܼܬ݂ܵܐ

ܡܲܡܠܠܵܐ ܕܝܼܠܵܗܿ ܦܩܵܩܵܐ ܣܦܝܼܩܵܐ ܕܠܵܐ ܝܘܼܬ݂ܪܵܢܵܐ

ܡܵܢܵܐ ܥܸܒܕܲܬ݂ ܡܸܛܿܠ ܫܲܝܢܵܐ ܐܵܦ ܘܲܫܠܵܡܵܐ

ܡܠܵܬ݂ ܠܲܡ ܐܲܪܥܵܐ ܙܡܵܡܵܐ ܘܨܲܘܬܵ݁ܐ ܒܸܠܥܵܕ݂ ܥܲܡܠܵܐ

ܘܖ̈ܵܥܲܘܵܬ݂ܲܢ ܟܿܠܚܲܕ݂ ܒܕ݂ܝܼܠܹܗ ܦ݁ܨܝܼܚܵܐ ܢܲܦ݂ܫܹܗ

ܘܥܵܢܵ̈ܐ ܣܵܒ݂ܠܵܐ ܪܕ݂ܘܼܦ݂ܝܵܐ ܘܩܸܛܠܵܐ ܘܚܲܪܒ݁ܵܐ ܘܨܲܥܪܵܐ

ܢܘܼܕܘܿܢ ܘܐܸܬ݁ܬ݁ܥܝܼܪܘ ܘܲܚܠܵܦ݂ ܥܵܢ̈ܟ݂ܘܿܢ ܐܲܪܝܼܡܘ ܚܘܼܛܪܵܐ

ܕܪܵܥܝܵܐ ܘܵܠܹܐ ܕܥܝܼܪܵܐ ܢܸܗܘܹܐ ܠܘܼܩܒ݁ܲܠ ܕܹ݁ܐܒ݂ܵܐ

ܘܐܸܠܵܐ ܟܿܠܝܘܿܡ ܡܲܘܒܸ݁ܕ݂ ܥܸܪܒܵܐ ܘܢܸܩܝܵܐ ܘܐܸܡܪܵܐ

ܘܐܲܝܟܲܢ ܢܸܬ݁ܬ݁ܢܝܼܚ ܗܵܢܵܐ ܪܵܥܝܵܐ ܡܵܐ ܕܠܲܡ ܚܵܙܹܐ

ܕ݁ܕ݂ܹܐܒ݂ܵܐ ܪܵܗܹܐ ܠܓ݂ܸܙܪܵܐ ܕܝܼܠܹܗ ܕܢܸܣܲܒ݂ ܦܘܼܪܣܵܐ

ܠܡܸܚܛܲܦ ܠܡܸܬ݂ܒܲܪ ܥܸܪܒܵܐ ܘܐܸܡܪܵܐ ܒܥܵܗܸܢ ܦܸ݁ܠܥܵܐ

ܥܕ݂ܲܡܵܐ ܠܐܸܡܲܬ݂ܝ ܗܵܢܵܐ ܣܸܒ݂ܠܵܐ ܘܗܵܢ ܛܘܼܪܵܦܵܐ

ܟܲܕ݁ܘܼ ܣܸܕ݂ܩܵܐ ܒܲܝܢܵܬ݂ ܓܲܒܹ̈݁ܐ ܕܲܒ݂ܢܲܝ̈ ܥܲܡܲܢ

ܟܲܕ݁ܘܼ ܣܸܕ݂ܩܹ̈ܐ ܘܐܵܦ݂ ܚܸܖ̈ܝܵܢܹܐ ܒܹܝܬ݂ ܥܹܕܵ̈ܬ݂ܲܢ

ܗܘܲܝܬ݁ܘܿܢ ܒܸܙܚܵܐ ܘܐܵܦ݂ ܡܘܼܚܵܫܵܐ ܐܵܦ݂ ܘܲܙܥܘܼܖܹ̈ܐ

ܒܲܝܢܵܬ݂ ܥܲܡܡܹ̈ܐ ܘܒܹܝܬ݂ ܐܸܡ̈ܘܵܬ݂ܵܐ ܒܗܵܢܵܐ ܗܦ݁ܘܼܟ݂ܝܵܐ

ܠܵܐ ܝܵܕ݂ܥܝܼܬ݁ܘܿܢ ܕܚܲܪܬ݂ܵܐ ܐܵܬ݂ܝܵܐ ܘܲܕ݂ܡܵܐ ܕܥܲܡܵܐ

ܡܸܬ݂ܒܥܹܐ ܡܸܢܟ݂ܘܿܢ ܒܝܘܿܡ ܦܘܿܪܥܵܢܵܐ ܡܵܢܵܐ ܬܦܲܢܘܿܢ

ܩܘܿܡܘܿܢ ܩܘܿܡܘܿܢ ܠܘܼܩܒ݁ܲܠ ܒܝܼܫܬ݂ܵܐ ܒܲܚܕܵܐ ܩܲܘܡܬ݂ܵܐ

ܕܚܘܼܝܵܕ݂ ܡܸܠܬ݂ܵܐ ܘܥܲܡܠܵܐ ܕܚܘܼܒ݁ܵܐ ܡܲܘܠܸܕ݂ ܚܲܝܠܵܐ

ܠܵܐ ܐܝܼܬ݂ܲܝܟ݁ܘܿܢ ܒܢܲܝ̈ ܛܲܢܵܢܹ̈ܐ ܘܲܒ݂ܢܲܝ̈ ܣܵܗ̈ܕܹܐ

ܠܡܵܐ ܕܵܚܠܝܼܬ݁ܘܿܢ ܐܹܡܲܪܘ ܡܸܠܬ݂ܵܐ ܒܩܵܠܵܐ ܪܵܡܵܐ

ܘܩܘܿܡܘܿܢ ܢܚܲܕܸܬ݂ ܫܘܼܒ݂ܚܲܢ ܕܐܹܒܲܕ݂ ܒܲܦ݂ܠܝܼܓ݂ܘܼܬ݂ܵܐ

ܘܐܵܦ ܘܲܨܠܘܼܬ݂ܵܐ ܕܲܦ݂ܠܝܼܓ݂ ܠܸܒ݁ܵܐ ܠܵܐ ܡܵܫܬܲܡܥܵܐ

ܕܘܟܬܘܪ ܒܫܝܪ ܛܘܪܝܐ

ܒܓܕܐܕ ܟܕ ܫܒܛ ܒ̄ܝ

ܒܝܬ ܐܠܗܢ ܘܐܠܗܗܘܢ

ܚܘܼܒ ܐܰܠܗܐ ܟܰܕ ܫܳܓܰܪ ܗܘܳܐ ܒܠܶܒ ܒܰܪܢܳܫܳܐ

ܡܫܰܚܠܶܦ ܠܚܰܝܰܘܗ̈ܝ ܡܢ ܟܡܝܪܘܬ݂ܳܐ ܠܚܰܕ݂ܘܳܐ ܪܰܒ݁ܳܐ

ܒܪܰܡ ܐܝܢܐܗܘ ܕܠܒܗ ܪܵܬܚ ܒܣܢܐܬܐ ܘܐܠܡܐ

ܬܥܝܼܫܳܐ ܚܵܝܶܐ ܘܠܰܝܬ ܠܹܗ ܦܘܼܪܣܵܐ ܘܰܠܢܝܼܚܘܬܐ

ܥܲܒܕܵܐ ܐܝܬ݂ܲܘܗܝ ܕܣܵܛܵܢ ܐܲܟ݁ܬ݂ܵܐ ܒܨܝܼܪܵܐ ܘܫܲܦܠܵܐ

ܘܨܒܝܢ ܡܪܹܗ ܒܝܼܫܵܐ ܫܹܐܕܵܐ ܦܵܠܲܚ ܟܠܫܵܥ

ܕ݁ܘܓ݁ܵܐ ܐܝܬܘܗܝ ܠܐ ܫܵܡܲܥ ܗܘܐ ܐܠܐ ܠܩܠܐ

ܕܲܒܥܸܠܙܒܘܒ ܗܲܘ ܩܛܘܠܐ ܕܡܢ ܫܘܪܝܐ

ܠܐ ܪܵܢܶܐ ܗܘܐ ܐܠܐ ܐܝܟܢ ܡܲܒܐܸܫ ܠܐܚܘܼܗܝ

ܐܶܢ ܗܘ ܕܡܵܪܝܐ ܚܳܕܶܐ ܒܩܛܠܐ ܘܒܛܘܼܪܵܦܵܐ

ܐܝܟ ܗܵܢ ܡܪܝܐ ܒܗܵܡܵܢ ܢܸܗܘܹܐ ܘܒ݂ܓ݂ܲܘ ܢܘܼܪܵܐ

ܡܪܢ ܐܝܬܘܗܝ ܚܘܒ݁ܵܐ ܡܓ݂ܲܫܡܵܐ ܘܦܳܪܶܣ ܠܚܘܒܗ

ܒܝܢܬ ܐܢܫܐ̈ ܘܡܠܦ ܠܟܠܗܘܢ ܪܚܡܬܐ ܟܠܝܘܡ

ܠܐ ܐܲܝ̄ܟ݂ ܡܪܗܘܢ ܫܲܦܠܐ ܒܨܝܼܪܐ ܘܲܡܠܹܐ ܐܟ݁ܬ݂ܵܐ

 ܪܗܘܢ ܛܥܝܐ ܘܡܛܥܐ ܐܢܘܢ ܒܥܒܵܕ ܒܝܫܬܐ

ܡܪܢ ܡܗܕܐ ܠܒܢܝ̈ ܐܢܫܐ̈ ܠܐܘܪܚܐ ܕܩܘܫܬܐ

ܚܘܒܐ ܚܝܠܐ ܘܐܟܬܐ ܫܦܠܐ ܐܦ ܒܘܨܪܐ

ܡܳܕܶܝܢ ܘܳܠܶܐ ܕܢܝܚܐ ܒܚܘܒܐ ܚܝܐ̈ ܕܚܝܠܐ

ܡܫܡ ܐܘܢܓܠܣܛܐ

ܒܫܝܪ ܡܬܝ ܛܘܪܝܐ

ܡܛܠ ܫܡܟ ܡܪܝܐ

ܒܝܕ ܕܟܬܘܪ ܒܫܝܪ ܡܬܝ ܛܘܪܝܐ

ܡܛܠ ܫܡܟ ܡܪܝܐ̣ ܟܠܝܘܡ ܡܬܚܣܕܝܢܢ

ܡܛܠ ܫܡܟ ܡܪܝܐ ܟܠܫܥ ܡܙܕܥܪܝܢܢ

ܡܛܠ ܫܡܟ ܡܪܝܐ ܟܠܝܘܡ ܡܬܒܨܪܝܢܢ

ܡܛܠ ܫܡܟ ܡܪܝܐ ܟܠܫܥ ܡܬܪܕܦܝܢܢ

ܡܛܠ ܫܡܟ ܡܪܝܐ ܟܠܝܘܡ ܡܨܛܥܪܝܢܢ

ܡܛܠ ܫܡܟ ܡܪܝܐ ܟܠܫܥ ܡܬܒܙܚܝܢ ܒܢ

ܡܛܠ ܫܡܟ ܡܪܝܐ ܟܠܝܘܡ ܡܬܒܕܪܝܢܢ

ܡܛܠ ܫܡܟ ܡܪܝܐ ܒܟܠܕܘܟ ܡܙܕܪܩܝܢܢ

ܡܛܠ ܫܡܟ ܡܪܝܐ ܟܠܫܥ ܡܬܕܒܚܝܢܢ

ܡܛܠ ܫܡܟ ܡܪܝܐ ܟܠܝܘܡ ܡܬܩܛܠܝܢ

ܡܛܠ ܫܡܟ ܡܪܝܐ ܟܠܫܥ ܡܬܛܪܦܝܢܢ

ܥܕܡܐ ܠܐܡܬܝ ܗܢ ܫܘܢܩܐ ܥܕܡܐ ܠܐܡܬܝ

ܒܓܕܐܕ   ܟܐ ܟܢܘܢ ܚܪܝ ܫܢܬ ܒܝܐ

ܥܕܡܐ ܠܐܡܬܝ ܡܪܝܐ

ܒܝܕ ܕܘܟܬܘܪ ܒܫܝܪ ܡܬܝ ܬܐܘܡܐ ܛܘܪܝܐ

ܡܪܝܐ ܐܠܗܐ ܥܕܡܐ ܠܐܡܬܝ ܗܳܢ ܛܘܪܳܦܳܐ

ܡܪܝܐ ܐܠܗܐ ܥܕܡܐ ܠܐܡܬܝ ܗܢܳ ܫܘܢܳܩܳܐ

ܡܪܝܐ ܐܠܗܐ ܥܕܡܐ ܠܐܡܬܝ ܗܢܳ ܦܘܠܳܓܳܐ

ܡܪܝܐ ܐܠܗܐ ܥܕܡܐ ܠܐܡܬܝ ܣܶܒܠܐ ܗܢܐ

ܡܪܝܐ ܐܠܗܐ ܥܕܡܐ ܠܐܡܬܝ ܨܥܪܐ ܗܢܐ

ܡܪܝܐ ܐܠܗܐ ܥܕܡܐ ܠܐܡܬܝ ܩܛܪܐ ܗܢܐ

ܡܪܝܐ ܐܠܗܐ ܥܕܡܐ ܠܐܡܬܝ ܪܘܓܙܐ ܗܢܐ

ܡܪܝܐ ܐܠܗܐ ܥܕܡܐ ܠܐܡܬܝ ܗܢܐ ܥܫܘܩܝܐ

ܡܪܝܐ ܐܠܗܐ ܥܕܡܐ ܠܐܡܬܝ ܗܢܐ ܪܕܘܦܝܐ

ܡܪܝܐ ܐܠܗܐ ܥܕܡܐ ܠܐܡܬܝ ܗܢܐ ܛܠܘܡܝܐ

ܡܪܝܐ ܐܠܗܐ ܥܕܡܐ ܠܐܡܬܝ ܚܫܐ ܗܢܐ

ܡܪܝܐ ܐܠܗܐ ܥܕܡܐ ܠܐܡܬܝ ܚܪܒܐ ܗܢܐ

ܡܪܝܐ ܐܠܗܐ ܥܕܡܐ ܠܐܡܬܝ ܩܛܠܐ ܗܢܐ

ܡܪܝܐ ܐܠܗܐ ܥܕܡܐ ܠܐܡܬܝ ܡܘܬܐ ܗܢܐ

ܡܪܝܐ ܐܠܗܐ ܥܕܡܐ ܠܐܡܬܝ ܫܬܩܐ ܗܢܐ

ܡܪܝܐ ܐܠܗܐ ܥܕܡܐ ܠܐܡܬܝ ܠܝܬ ܐܺܝܳܠܳܐ

ܡܪܝܐ ܐܠܗܐ ܥܕܡܐ ܠܐܡܬܝ ܠܝܬ ܥܘܕܪܢܐ

ܡܪܝܐ ܐܠܗܐ ܥܕܡܐ ܠܐܡܬܝ ܠܝܬ ܦܘܩܢܐ

ܡܪܝܐ ܐܠܗܐ ܥܕܡܐ ܠܐܡܬܝ ܠܝܬ ܦܘܨܝܐ

ܕܡܶܢ ܛܠܘܡܐ̈ ܘܡܢܶ ܪܕܘܦܐ̈ ܘܡܶܢ ܩܛܘܠܐ̈

ܦܢܐ ܒܪܚܡܝܟ̈ ܠܨܠܘܬ̈ܢ ܘܰܠܒܥܘܬ̈ܢ

ܕܗܢܐ ܥܡܐ ܣܓܝ ܣܒܠ ܗܘܐ ܡܢ ܗܳܢ ܛܠܘܡܝܐ

ܦܪܘܩܝܗܝ ܡܪܢ ܡܢ ܗܢ ܚܫܐ ܘܡܢ ܟܪܝܘܬܐ

ܕܫܘܒܚܐ ܡܩܪܒ ܒܟܠܥܕܢܝܢ̈ ܫܘܒܚܐ ܠܟ ܡܪܝܐ