ܐܝܠ ܐܫܘܪ
ܚܕܒܫܒܐ, 24 ܟܢܘܢ ܐ݇ܚܪܝܐ 2010 19:56 | 
ܟܬܝܒ݂ܐ ܒܝܕ ܫܡܫܝ ܐܕܕ | 
| 
| 
ܒܫܡܐ ܕܐܠܗܐ ܚܝܐ ܕܐܘܡܬܢ ܐܫܘܪ:
ܐܢܐ ܫܡܫܝ ܐܕܕ ܕܙܢܝܐ ܗܟܪܢܝܐ ܐܬܘܪܝܐ ܡܡܩܪܘܒ݂ܐ ܝܘܢ ܐܗܐ ܙܡܪܬܐ ܩܐ ܕܝܘܟ݂ܘܢ ܐܘܦ ܩܐ ܡܪܝܐ ܐܠܗܐ ܒܪܝܢܐ ܕܟܘܠܗ ܡܢܕܝ ܐܘܦ ܙܐ ܒܪܝܢܐ ܕܟܘܠܝܗܝ ܐܫܘܪ̈ܝܐ ܡܗܘܡܢ̈ܐ ܐܡܝܢ.
ܐܝܠ ܐܫܘܪ ܐܝܠ ܝܘܬ ܠܐ ܡܢܫܢܘܟܼ
ܓܘ ܚܫܐ ܝܢ ܚܕܘܬܐ ܕܐܟ݂ܝ ܒܫܒ݂ܩܢܘܟܼ.
ܐܢ݇ܬ ܝܘܬ ܓܘ ܕܘܢܝܐ ܟܘܠ ܡܢܕܝ ܒܪܝܢܐ
ܐܢ݇ܬ ܝܘܬ ܟܘܠ ܪܐܙܐ ܘܡܪܝܙܢܐ
ܐܝܕ̈ܝ ܒܦܬܚܢܘܢ ܐܝܟܼ ܓܘܠܦܢ̈ܐ ܕܢܫܪܐ ܕܐܫܘܪ
ܡܟܦܢ ܪܫܐ ܒܘܫ ܓܘܪܐ ܒܪܝܐ ܠܟܣ ܐܝܠ ܐܫܘܪ
ܩܫܬܘܟܼ ܒܕ ܫܩܠܢܐ ܠܕܪ̈ܥܢܝ ܙܪ̈ܒܢܐ
ܓܐܪܘܟܼ ܛܦܢܗ ܠܨܕܪܐ ܕܨܛܢ̈ܐ
ܩܐ ܕܚܝܐ ܒܪܬܝ ܓܘ ܐܬܪܐ ܕܐܝܠ ܐܬܪܐ
ܩܐ ܕܚܝܐ ܒܪܘܢܝ ܓܘ ܙܗܪܝܪܐ ܘܒܗܪܐ.
ܐܝܠ ܐܫܘܪ ܐܝܠ ܝܘܬ ܠܐ ܡܢܫܢܘܟܼ
ܓܘ ܚܫܐ ܝܢ ܚܕܘܬܐ ܕܐܟ݂ܝ ܒܫܒ݂ܩܢܘܟܼ
ܝܐ ܢܝܢܘܐ ܓܘ ܕܪܥܢܝ ܒܚܝܡܬܐ ܒܚܦܩܢܟ݂ܝ
ܒܕ ܡܚܢ ܡܢܫܘܩܬܐ ܡ̣ܢ ܕܘܒܘܪܬܟ݂ܝ ܗܠ ܟܟܘܠܬܟ݂ܝ
ܒܩܝܪܬ ܡܢ ܬܙܐ ܒܕ ܒܢܢܟ݂ܝ
ܒܫܘܦܐ ܕܬܠܝܚ̈ܐ ܡ̣ܢ ܕܝܢܐ ܒܕܗܒ݂ܐ ܘܣܐܡܐ ܚܕܝܬܢܟ݂ܝ
ܩܐ ܕܚܝܐ ܒܪܬܝ ܓܘ ܐܪܥܐ ܕܐܝܠ ܐܬܪܐ
ܩܐ ܕܚܝܐ ܒܪܘܢܝ ܓܘ ܙܗܪܝܪܐ ܕܒܗܪܐ.
ܐܝܠ ܐܫܘܪ ܐܝܠ ܝܘܬ ܠܐ ܡܢܫܢܘܟܼ
ܓܘ ܚܫܐ ܝܢ ܚܕܘܬܐ ܕܐܟ݂ܝ ܒܫܒ݂ܩܢܘܟܼ
ܒܕ ܕܪܢ ܓܘ ܕܫ̰ܡܢܝ ܐܝܟܼ ܪܡܢ ܒܪܩܐ ܘܩܪܩܡܬܐ
ܒܕ ܩܪܒܚܢܘܢ ܕܫ̰ܡܢܝ ܐܝܟܼ ܢܝܢܝܒ ܘܥܫܬܪ ܩܪܒܚܬܐ
ܡ̣ܢ ܝܡܝܢܐ ܘܣܡܠܐ
ܡ̣ܢ ܙܪܩܬܐ ܗܠ ܓܢܝܬܐ
ܒܕ ܡܬܢܘܢ ܩܢܘܢܐ ܒܪܝܟ݂ܐ ܕܚܡܘܪܒܝ ܡܠܟܐ
ܩܐ ܕܚܝܐ ܒܪܬܝ ܓܘ ܐܪܥܐ ܕܐܝܠ ܐܬܪܐ
ܩܐ ܕܚܝܐ ܒܪܘܢܝ ܓܘ ܙܗܪܝܪܐ ܕܒܗܪܐ
ܐܝܠ ܐܫܘܪ ܐܝܠ ܝܘܬ ܠܐ ܡܢܫܢܘܟܼ
ܓܘ ܚܫܐ ܝܢ ܚܕܘܬܐ ܕܐܟ݂ܝ ܒܫܒ݂ܩܢܘܟܼ
ܡܚܕܬ݂ܬܐ ܐ݇ܚܪܝܬ݂ܐ (ܥܪܘܒ݂ܬܐ, 02 ܬܡܘܙ 2010 15:37)
