ܢܝܢܘܐ

ܡܚܘܪܐ ܠܐ ܝܕܥܝܐ

 ܚܕ݇ ܫܒ݂ܘܩܠܝ ܢܦܠܢ ܥܠ ܨܕܪܟ݂ܝ ܢܝܢܘܐ ܡܠܟܬܐ ܕܒܪܝܬܐ

ܩܘܡܐ ܕܣܪܦܢ ܡ̣ܢ ܓܘ ܥܦܪܟ݂ܝ ܚܕܟ̰ܐ ܚܝܠܐ ܠܐܗܐ ܪܘܚܝ ܫܘܪܫܝܬܐ

ܫܒ݂ܘܩܠܝ ܠܚܪܒܟ݂ܝ ܓܫܩܢ ܠܒܢܝܬܟ݂̈ܝ ܥܬܝܩ̈ܐ ܒܚܡܬܐ ܢܫܩܢ

ܫܒ݂ܘܩܠܝ ܠܘܚܟ݂ܝ ܒܝܕ ܕܡܥܝ ܡܫܢ ܩܕ݇ܡ ܬܫܥܝܬܐ ܡܗܝܪܬܐ

ܗܩܝܠܝ ܝܐ ܟܐܦܐ ܩܝܕܐ ܡܬܠܐ ܕܓ݂ܠܝܒܘܬܐ

ܩܘܡܐ ܕܪܥܫ ܠܒܝ ܣܩܝܕܐ

ܩܘܡܐ ܕܦܠܛܐ ܡ̣ܢ ܥܘܡܩܐ ܕܪܘܚܝ ܙܕܘܥܬܐ

ܡܡܨܢܬܐ ܕܓܢ݇ܒܪ̈ܐ ܝܡܐ

ܒܐܡܪܐ ܝܢܐ ܕܟܬܝܒ݂ܐ ܝܠܗ ܠܩܨܝ ܗ̇ܘ ܫܡܐ

ܚܘܫ ܪܬܚ ܒܫܪܝܢܝ ܗ̇ܘ ܕܡܐ

ܕܡܐ ܕܗܘܝܐ ܐܬܘܪ ܓܘܪܬܐ

ܣܦܝܬ̈ܐ ܕܝܡܝ ܐܗܐ ܝܠܗ

ܒܢ̈ܝ ܕܫܬܐ، ܒܢ̈ܝ ܛܘܪܐ

ܙܒ݂ܓܚ ܒܚܕ݇ ܚܘܒܐ ܘܒܚܕ݇ ܚܝܠܐ

ܒܥܝܐ ܗܘܝ ܪܒܐ ܫܪܝܪ̈ܐ ܐܣܘܪܐ

ܡܫܚܕ ܩܐ ܒܢ̈ܝ ܐܘܡܬܐ ܒܪܘܢܝ

ܠܟܣ ܢܝܢܘܐ ܥܬܝܩܬܐ

ܢܝܢܘܐ ܚܕܬܐ ܒܢܝ

ܟܠ ܥܕܢܐ ܕܫܘܪܫܐ ܠܘܟܼ ܠܨܕܪܝ ܓܢܝ

ܚܝܠܐ ܫܒ݂ܘܩܠܝ ܡ̣ܢ ܓܢ݇ܒܪܘܬܐ

sapeyateh d yemmey aha eleh : bney deshta , bney tuura
zavgakh b kha khoba o kheyla + b ayyah haveh rab sharereh ysorra
mashkhd qa bney omta broney + l kes ninveh ateqta , ninveh khadta bney
kol danna d shorshelokh l sadrey gney + kheyla shvoqli mn gabarrota 
 mn villyam daneel tehran 1945