ܒܫܡܐ ܕܐܠܗܐ ܐܫܘܪ ܚܝܐ، ܡܫܘܚܬܐ ܕܝܐ ܒܝܬܢܗܪ̈ܝܢ

ܝܐ ܒܝܬܢܗܪ̈ܝܢ ܝܐ ܒܝܬܢܗܪ̈ܝܢ ܝܠܚܬܐ ܕܟܘܠ ܥܕܢܐ

ܒܝܬـܝ ܘܩܢܝ ܗܘܝܬܐ

ܝܐ ܒܝܬܢܗܪ̈ܝܢ ܝܠܚܬܐ ܡ̣ܢ ܟܘܠ ܠܒܝ ܦܝܫܬـܝ ܗܘܝܬܐ

ܝܐ ܒܝܬܢܗܪ̈ܝܢ ܝܠܚܬܐ ܒܟܘܠ ܡܘܚܐ ܦܝܫܬܐ ܦܘܪܡܝܬܐ

ܬܘܓܒܪܟ݂ܝ ܠܫܡܝ ܩܕܝܫܐ

 ܚܘܡܝܠܟ݂ܝ ܗܝܝܘܬܝ ܒܬܪ ܕܘܪܐ ܕܡܫܝܚܐ

ܝܕܥܢܐ ܨܦܝܘܬܟ݂ܝ ܡܨܝܢܬܐ ܕܩܒ݂ܠܝܬܟ݂ܝ ܘܡܢܟ݂ܣܝܬܟ݂ܝ

ܨܗܝܐ ܝܘܢ ܗܘܐ ܡ̣ܢ ܨܕܪܢܟ݂ܝ ܡܘܬܪܐ ܠܟ݂ܝ ܩܬـܝ

ܟܦܝܢܐ ܝܘܢ ܗܘܐ ܒܐܪ̈ܥܬܟ݂ܝ ܫܡܝܢ̈ܐ ܡܘܣܡܒ݂ܥܠܟ݂ܝ ܩܬـܝ.

ܝܐ ܢܢܐ ܣܒ݂ܬܐ:

ܐܪ̈ܥܬܟ݂ܝ ܚܦܪܝܗܝ ܘܕܘܪܒܢܝܗܝ ܒܝܕ ܕܫܡܢ̈ܐ

ܩܨܪܟ݂ܝ ܘܩܝܡܝܬ̈ܟ݂ܝ ܥܠ ܟܪܡܐ ܕܟܐܦ̈ܐ ܚܕܪܝܗܝ

ܟܟ̰ܚܬܐ.. ܣܒ݂ܬܐ.. ܫܘܪܫܝܬܐ.. ܕܘܪܒܢܬܐ.. ܕܘܪܕܢܬܐ ܢܝܬܐ

ܒܕܡܐ ܟܪܡܢܟ݂ܝ ܒܕ ܡܫܬܢܘܢ

ܒܕܡܝ ܫܩܝܬܟ݂̈ܝ ܒܕ ܡܓ̰ܪܢܘܢ

ܒܐܝܕܬ̈ܝ ܩܨܪܟ݂ܝ ܒܕ ܒܢܢܘܢ

ܒܪܦܣܝ ܕܫܡܢܟ݂ܝ ܚܪܒܣܢܘܢ

ܒܩܘܚܝܬ̈ܝ ܕܐܒ݂ܟ݂ܝ ܡܙܕܝܢܘܢ

ܒܨܦܚܝܬ̈ܝ ܕܗܒ݂ܟ݂ܝ ܒܕ ܟܡܪܢܘܢ

ܒܕܪ̈ܥܢܢܝ ܒܕ ܚܦܩܢܟ݂ܝ

ܥܠ ܨܕܪܝ ܒܕ  ܡܕܡܟ݂ܢܟ݂ܝ

ܐܝܟܼ ܟܘܦܠܐ ܥܠ ܐܩܠܐ ܒܕ ܡܟܠܢܟ݂ܝ

ܐܝܟܼ ܐܘܪܚܐ ܒܦܓܼܪܝ ܓܫܪܐ ܒܕ ܒܢܢܟ݂ܝ

ܚܕܪܘܢܟ݂ܝ ܓܘܕܢ̈ܐ ܒܕ ܒܢܢ

ܓܘ ܟܝܢܟ݂ܝ ܫܘܦܪܐ ܒܕ ܒܪܢ

ܓܘ ܫܡܝܟ݂ܝ ܢܫܪܐ ܒܕ ܕܪܢ

ܓܘ ܒܝܫܟ݂ܝ ܐܪ̈ܝܐ ܒܕ ܚܡܢ

ܙܪܥܢܟ݂ܝ ܘܪ̈ܕܐ ܪ̈ܝܚܢܐ

ܡܠܒ݂ܫܢܟ݂ܝ ܓ̰ܘܠ ܛܝܡܢ̈ܐ

ܬܓܒܪܢܟ݂ܝ ܝܠ̈ܐ ܢܨܝܚ̈ܐ

ܡܡܕܢܟ݂ܝ ܒܢܬ̈ܐ ܛܢܢ̈ܐ

ܐܬܐ ܕܐܬܘܪ ܡܣܩܢܐ ܒܐܬܪܐ

ܦܪܬܠܢܐ، ܦܪܦܪܢܐ ܒܟܘܠ ܫܘܦܪܐ

ܒܠܒܨ ܐܗܐ ܟܘܟ݂ܒ݂ܐ ܠܘܓ̰ܢܐ ܒܙܗܪܝܪ̈ܐ ܒܗܪܢ ܠܝܠ̈ܐ ܙܠܝܡ̈ܐ

ܥܝܢܬ̈ܐ ܣܡܝ̈ܐ ܒܕ ܦܬܚܝ ܠܗܘܢ

ܒ݂ܓ̰ܕܢ̈ܐ ܕܡܝܟ݂̈ܐ ܡܕܪܐ ܡܪܥܫܝ ܠܗܘܢ

ܫܠܡܐ ܕܪܐ ܓܘ ܟܘܠܠܝܗܝ ܐܡܘܬ̈ܐ

ܡܓ̰ܪܝ ܚܘܒܐ ܓܘ ܟܘܠܠܝܗܝ ܠܒܘܬ̈ܐ

ܓ̰ܡܥܝ ܟܘܠܠܝܗܝ ܓ̰ܘܢܩ̈ܐ ܐܘܦ ܙܐ ܚܡܬ̈ܐ

ܗܒ݂ܝ ܕܪܝ ܠܣܒ݂̈ܐ ܐܘܦ ܙܐ ܣܒ݂ܬ̈ܐ

ܫܝܚܢܝ ܡܕܪܐ ܒܕ ܪܩܕܚܠܗ̇

ܐܩܠ̈ܐ ܚܝܠܢ̈ܐ ܡܚܚܠܗ̇ ܠܐܪܥܐ ܒܕ ܫܝܫܚܠܗ̇

ܡ̣ܢ ܫܡܫܝ ܐܕܕ ܕܙܢܝܐ ܗܟܪܢܝܐ ܐܬܘܪܝܐ ܡ̣ܢ ܐܘܪܡܝ ـ ܐܝܪܢ