ܠܘܣ ܐܢܓ̰ܠܣ(AINA)ـ  ܐܬܘܪ̈ܝܐ ܕܬܝܡܢܐ ܕܟܠܝܦ̮ܘܪܢܝܐ ܩܝܡܠܗܘܢ ܒܚܕܐ ܬܓܠܝܬܐ ܒܣܝܩܘܡܐ 22 ܒܐܝܪ ܡ̣ܢ ܫܥܬ݂ܐ 10.30 ܒܠܘܣ ܐܢܓ̰ܠܣ. ܐܗܐ ܬܓܠܝܬܐ ܝܗܘܐ ܒܥܠܬܐ ܕܡܦܩܥܬ݂ܐ ܕܒܨ ܓܘ ܡܘܨܠ ܘܪܕܘܦܝܐ ܕܐܬܘܪ̈ܝܐ ܓܘ ܡܕܢܚܐ ܡܨܥܝܬܐ.

ܐܗܐ ܬܓܠܝܬܐ ܦܝܫܬܐ ܝܠܗ̇ ܡܬܘܓܒܪܬܐ ܒܝܕ ܐܠܒܪܬ ܕܒ݂ܝܕܘ ܒܥܠܬܐ ܕܫܝܦܬܐ ܕܥܡܢ ܐܬ݂ܘܪܝܐ ܐܝܢܝ ܕܩܘܘܡܐ ܝܠܗ̇ ܒܫܢ̈ܐ ܚܪ̈ܝܐ ܓܘ ܥܝܪܩ.

ܢܝܫܐ ܕܡܝܩܪܐ ܕܒ݂ܝܕܘ ܝܠܗ ܠܡܢܗܪܬܐ ܩܐ ܟܠܝܗܝ ܡܒܘܥ̈ܐ ܝܘܕܥܝ̈ܐ ܠܪ̈ܕܘܦܝܐ ܕܩܘܘܡܐ ܝܠܝܗܝ ܥܠ ܥܡܢ ܐܬܘܪܝܐ ܓܘ ܕܐܗܐ ܦܢܝܬܐ.

ܡܝܩܪܐ ܕܒ݂ܝܕܘ ܣܒ݂ܪܗ ܝܠܗ ܕܟܠܝܗܝ ܟܢܘܫܝܬ̈ܐ ܕܐܬܘܪ̈ܝܐ ܕܫܩܠܝ ܠܡܫܬܐܠܢܘܬܐ ܠܟܠ ܓܕܫܐ ܥܠ ܐܬܘܪ̈ܝܐ ܓܘ ܐܘܚܕܢ̈ܐ ܡܚܝܕ̈ܐ ܕܐܡܪܝܟܐ ܘܐܬܪ̈ܘܬܐ ܐ݇ܚܪ݇ܢܐ. ܟܠܝܗܝ ܟܢܘܫܝܬ̈ܐ ܘܵܠܹܐ ܕܟܦܫܝ ܥܡ ܚܕܕܐ ܟܠ ܬܪܝܢ݇ܒܫܒܐ ܡ̣ܢ ܟܠ ܝܪܚܐ ܐܝܟܼ ܝܘܡܐ ܕܬܪܬܐ ܐܬܘܪܝܐ ܠܩܝܡܐ ܒܬܓܠܝܬܐ ܕܦܐܫ ܩܠܢ ܫܡܥܝܐ.

ܒܣܝܩܘܡܐ 8 ܒܐܝܪ 2010 ܡܘܪܝܙܠܗ̇ ܩܢܛܪܘܢܘܬܐ ܕܚܘܝܕܐ ܐܬܘܪܝܐ ܒܣܘܝܕ ܓܘ ܡܕܝܢ݇ܬܐ ܕܠܝܢܫܘܦܝܢܓ ܕܟ݂ܪܐ ܕ40 ܕܡܢܚܐ ܚܕܝܕܐ ܐܓ݂ܐ ܒܛܪܘܣ.

ܓܘ ܕܐܗܐ ܕܟ݂ܪܐ ܝܗܒ݂ܠܗܘܢ ܩܝܘܡܐ ܕܙܘܥܐ ܕܝܡܘܩܛܝܐ ܐܬܘܪܝܐ، ܩܝܘܡܐ ܕܩܢܛܪܘܢܘܬܐ ܕܚܘܝܕܐ ܐܬܘܪܝܐ ܒܣܘܝܕ، ܩܝܘܡܐ ܕܚܘܝܕܐ ܕܝܠܘܦ̈ܐ ܘܥܠܝܡ̈ܐ ܕܟܠܕܘܐܬܘܪܝܐ، ܩܝܘܡܐ ܕܚܘܕܪܐ ܕܥܫܬܪ، ܩܝܘܡܐ ܕܚܘܕܪܐ ܡܪܕܘܬܢܝܐ ܕܒܝܬܢܗܪ̈ܝܢ ܡܡܠܠ̈ܐ ܥܠ ܕܐܗܐ ܦܘܪܣܐ ܡܕܟ݂ܘܪܐ ܓܘ ܡܡܠܠܝܗܝ ܠܥܒ݂ܕܝܬ̈ܐ ܓܢ݇ܒܪ̈ܐ ܕܐܓ݂ܐ ܦܛܪܘܣ ܘܥܠܬܐ ܕܠܐ ܐܡܝܢܘܬܐ ܨܒ݂ܘܬܢ ܐܘܡܬܢܝܬܐ ܘܐܢܝ ܥܒ݂ܘܕܝܬ̈ܐ ܡܪ̈ܝܡܢܐ ܕܡܘܥܒ݂ܕ ܠܗܘܢ ܠܡܫܦܠܬܐ ܕܡܐܙܠܬܐ ܕܚܘܦܛܐ ܘܐܓ݂ܘܢܘܬܐ ܕܦܩܘܕܐ ܒܗ̇ܘ ܙܒ݂ܢܐ.

ܐܦ ܩܪܐ ܠܗܘܢ ܚܕܟܡܐ ܡ̣ܢ ܡܚܘܪ̈ܐ ܠܚܕܟܡܐ ܡܘܫܚܬ̈ܐ ܒܐܗܐ ܦܘܪܣܐ ܘܒܚܘܬܡܐ ܝܗܒ݂ܠܗ̇ ܪܒܝ ܡܘܫܐ ܚܕ ܡܡܠܠܐ ܡܚܙܘܝܐ ܓܘܗ ܠܐܝܟܢܝܘܬܐ ܠܐ ܒܣܝܡܬܐ ܕܐܘܡܬܢ ܘܐܠܨܝܘܬܐ ܕܦܠܚܢܐ ܓܡܝܪܐ ܡܛܠ ܫܪܪܬܐ ܕܙܕܩ̈ܢ ܢܡܘܣܝ̈ܐ ܒܐܪܥܢ ܬܫܥܝܬܢܝܬܐ.

ܕܒ݂ܩܐ ܕܛܒ̈ܐ

ܢܘܗܕܪܐ

ܒܥܸܠܬܵܐ ܕܐܲܠܨܵܝܘܼܬ ܠܸܫܵܢܵܐ ܐܸܡܗܵܝܵܐ ܠܘܵܬܼ ܥܲܡܡܹ̈ܐ ܡܸܫܬܲܚܠܦܹ̈ܐ ܕܒܸܥܡܵܪܵܐ ܝܢܵܐ ܒܐܲܪܒܲܥ ܦܸܢܝܵܬܹ̈ܐ ܕܪܝܼܡܬܵܐ ܕܥܵܠܡܵܐ ، ܘܟܲܕ ܚܲܕَ ܡܸܢܝܵܢܵܐ ܓܘܼܪܵܐ ܡܼܢ ܓܲܢܬܵܐ ܕܠܸܫܵܢ̈ܐ ܦܪ̈ܝܼܫܹܐ ܡܲܚܙܘܼܝܹܐ ܝܢܵܐ ܢܘܝܼܠܘܼܬܵܐ ܪܲܒܬܵܐ ܒܥܸܠܵܬܹ̈ܐ ܠܵܐ ܡܣܝܼܡܵܢܹ̈ܐ ܐܲܝܟܼ ܠܵܐ ܡܲܦܠܲܚܬܵܐ ܐܲܡܝܼܢܵܝܬܵܐ ܒܗܲܡܙܲܡܬܵܐ ، ܘܐܲܦ ܠܵܐ ܟܬܲܒܼܬܵܐ ̤ ܘܐܲܝܟܼ ܕܐܸܢ ܡܲܠܗܘܼܕܹܐ ܝܢܵܐ ܒܐܘܼܪܚܵܐ ܕܦܫܲܪܬܵܐ ܘܬܠܲܩܬܵܐ ܒܡܲܡܛܲܝܬܵܐ ܕܢܸܟܼܝܵܢܵܐ ܓܘܼܪܵܐ ܠܐܲܠܨܵܝܘܼܬܵܐ ܕܗܲܝܵܝܘܼܬܵܐ ܐܘܼܡܬܵܢܵܝܬܵܐ ܥܲܡ ܫܝܵܦܬܵܐ ܕܝܲܪܬܘܼܬܵܐ ܥܲܡܵܝܬܵܐ ܕܟܹܐ ܥܲܒܼܕܝܼ ܡܲܥܒܕܵܢܘܼܬܵܐ ܠܝܸܣܘܼܪܹ̈ܐ ܡܸܫܬܲܪ̈ܟܵܢܹܐ ܕܐܝܼܬ ܒܹܝܢܬ ܒܢܘܿܢܹ̈ܐ ܘܒܢܵܬܹ̈ܐ ܕܚܲܕَ ܥܲܡܵܐ.