ܚܬܝܪܘܬܐ
ܦܘܠܘܣ ܕܢܚܐ
ـ ܣܘܝܕ
ܠܐ
ܗܘܝܬـܝ ܚܬܝܪܬܐ
ܓܘ ܓܫܩܝܬ̈ܟ݂ܝ
ܠܐ
ܓ̰ܘܓ̰ܬـܝ ܥܠ ܫܘܫܐ
ܕܦܘܚܐ ܕܬܫܪ̈ܝܐ
ܘܡܕܒ݂ܩܬـܝ
ܫܘܦܪܟ݂ܝ ܒܘܪ̈ܕܐ
ܕܢܝܣܢ̈ܐ
ܘܠܗ̇ܘ
ܦܩܚܐ ܕܒܝܒܘܢ̈ܐ
ܘܪܝܚܐ ܕܐܢܝ݇ ܓܢ̈ܐ
ܠܐ
ܡܕܡܐ ܩܘܡܬܟ݂ܝ ܒܪܚܫܬܐ
ܕܩܩܘܢ̈ܐ.
ܡ̣ܢ
ܡܪܓܝ ܫܩܘܠ ܗ̇ܘ ܘܪܕܐ
ܦܩܝܚܐ
ܡ̣ܢ
ܕܡܥ̈ܐ ܕܥܝܢ̈ܝ ܕܐܢܐ
ܝ݇ܘܢ ܡܘܫܬܐ
ܣܚܐ
ܓܘ ܡܝܐ ܕܫܘܫܢ̈ܐ
ܕܓܘܫܡܝ
ܕܚܙܢ
ܠܗ̇ـܝ ܩܘܡܬܟ݂ܝ
ܘܚܒܘܫ̈ܐ
ܕܨܕܪܟ݂ܝ
ܚܙܢ
ܠܗ̇ܘ ܟܘܣܟ݂ܝ ܬܚܘܬ
ܫܡܫܝ ܣܗܪܐ
ܘܐܢܝ݇
ܥܝܢܟ݂̈ܝ ܟܘܼܡ̈ܐ
ܒܪܩܕܐ ܒܦܬܟ݂ܝ
ܣܦܪܐ
ܠܡܘܚܒܟ݂ܝ ܓܘ ܨܡܚܬܐ
ܕܨܦܪܐ.
ܠܐ
ܗܘܝܬـܝ ܚܬܝܪܬܐ
ܚܠܝܬܐ ܕܐܗ ܠܒܐ
ܡܘܕܐ
ܒܗ̇ܘ ܚܘܒܐ
ܫܡܘܛܠܗ
ܠܗ̇ܘ ܩܝܕܐ
ܘܡܩܪܘܒ݂ܠܝ
ܚܡܪܐ ܡܣܦܘܬܟ݂ܝ
ܛܠܘܠ̈ܐ
ܕܪܘܢ
ܓܘ ܚܘܒܟ݂ܝ
ܕܕܡܟ݂ܢ
ܥܠ ܨܕܪܟ݂ܝ
ܘܦܪܚܢ
ܓܘ ܪܩܝܥܝ ܒܓܘܠܦܢܟ݂ܝ
ܚܘܪ̈ܐ
ܘܕܡܟ݂ܢ
ܬܚܘܬ ܛܠܐ ܕܕܠܝܬ݂̈ܐ
ܕܟܪܡܟ݂ܝ
ܓܘ
ܚܦܩܟ݂ܝ ܚܝܢ ܡܥܠ ܙܒ݂ܢ̈ܐ
ܘܕܪ̈ܐ.